ದೆಹಲಿಯಲ್ಲಿ ಜನರು ಬೆಚ್ಚಿಬೀಳಿಸುವ ಆತಂಕಕಾರಿ ಘಟನೆಯೊಂದು ವರದಿಯಾಗಿದೆ. ಮನೆಯ ಎದುರೇ ಕುಳಿತಿದ್ದ ವೃಧ್ಧೆಯ ಮೇಲೆ ಕೋತಿಗಳು ದಾಳಿ ಮಾಡಿರುವ ಘಟನೆ ದೆಹಲಿಯ ಬಾತ್ರಾ ಕಾಲೋನಿಯಲ್ಲಿ ನಡೆದಿದೆ.
ಈ ಸಂದರ್ಭದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ವೃಧ್ಧೆಯು ಮನೆಯ ಮುಂದೆ ಕುರ್ಚಿಯಲ್ಲಿ ಕುಳಿತ್ತಿದ್ದು, ಆ ವೇಳೆ ಕೋತಿಗಳ ಗುಂಪು ಹತ್ತಿರದಲ್ಲಿ ಚಲಿಸಿಕೊಂಡು ಬಂದು ಸ್ವಲ್ಪ ಸಮಯದ ನಂತರ, ಒಂದು ಕೋತಿ ತಕ್ಷಣ ದೂರ ಸರಿದು, ಮಹಿಳೆಯ ಕಡೆಗೆ ಓಡಿ ಬಂದು ಆಕೆಯ ದೇಹದ ಕೆಳಭಾಗಕ್ಕೆ ಕಚ್ಚುತ್ತದೆ. ಬಳಿಕ ಇಡೀ ಹಿಂಡು ಮಹಿಳೆಯ ತಲೆ, ಕಾಲುಗಳ ಮೇಲೆ ದಾಳಿ ಮಾಡಿದೆ.
ಆತಂಕಗೊಂಡ ಆ ಮಹಿಳೆ ಸ್ವಲ್ಪ ಹೊತ್ತು ಒದ್ದಾಡುತ್ತಿದ್ದಾಗ ಒಂದು ಕೋತಿ ಬಂದು ಆಕೆಯ ತಲೆ ಹಿಡಿದುಕೊಂಡಿದ್ದು, ಬಳಿಕ ತಕ್ಷಣ ಬಿಟ್ಟು ಓಡಿಹೋಗಿದೆ. ಕೋತಿಗಳ ದಾಳಿಯ ಪರಿಣಾಮ ಮಹಿಳೆಗೆ ಮೂರು ಕಡಿತದ ಗುರುತುಗಳಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ.
