ಪಂಜಾಬ್ : ಪಾಕಿಸ್ತಾನದ ಕಳ್ಳ ಸಾಗಣೆದಾರರು ಕಳುಹಿಸಿದ ಹೆರಾಯಿನ್ ವಶ, ಇಬ್ಬರ ಬಂಧನ

ಪಾಕಿಸ್ತಾನದ ಮಾದಕ ವಸ್ತು ಕಳ್ಳಸಾಗಾಣಿಕೆಯನ್ನು ಪಂಜಾಬ್ ಪೊಲೀಸರು ಪತ್ತೆ ಹಚ್ಚಿದ್ದು, 6ಕೆಜಿ ಹೆರಾಯಿನ್ ಜೊತೆ ಇಬ್ಬರನ್ನು ವಶಕ್ಕೆ ಪಡೆದಿದ್ದಾರೆ.

ಖಚಿತ ಮಾಹಿತಿ ಮೇರೆಗೆ ಕಾರ್ಯನಿರ್ವಹಿಸಿದ ತರಣ್ ಪೋಲೀಸರು ಗಡಿಯಾಚೆಗಿನ ಮಾದಕವಸ್ತು ಕಳ್ಳಸಾಗಣಿಕೆ ಜಾಲವನ್ನು ಹಿಡಿದಿದ್ದಾರೆ. ಥಾತಿ ಸೋಹಲ್ ನಿವಾಸಿಗಳಾದ ದೀಪ್ ಸಿಂಗ್ ಮತ್ತು ಹರ್ಜಿತ್ ಸಿಂಗ್ ಅವರನ್ನು ಬಂಧಿಸಿದ್ದಾರೆ. ಅವರಿಂದ 6 ಕೆಜಿ ಹೆರಾಯಿನ್ ವಶಪಡಿಸಲಾಗಿದೆ ಎಂದು ಪಂಜಾಬ್ ಪೊಲೀಸ್ ಮಹಾನಿರ್ದೇಶಕ ಗೌರವ್ ಯಾದವ್ X ನಲ್ಲಿ ತಿಳಿಸಿದ್ದಾರೆ.

ಈ ಕೃತ್ಯದಲ್ಲಿ ಪಾಕ್ ಮೂಲದ ಕಳ್ಳಸಾಗಣೆದಾರರ ಪಾತ್ರ ಬಹಿರಂಗಗೊಂಡಿದೆ.

NDPS ಕಾಯ್ದೆಯಡಿ ಎಫ್ಐಆರ್ ದಾಖಲಿಸಲಾಗಿದೆ. ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಡಿಜಿಪಿ ತಿಳಿಸಿದ್ದಾರೆ.