ಹೆಂಡತಿಯ ಮೂಗು ಸುಂದರವಾಗಿದೆ ಎಂದು ಪತಿ ಕಚ್ಚಿ ತಿಂದ ಘಟನೆ ಪಶ್ಚಿಮ ಬಂಗಾಳದ ನಾಡಿಯಾ ಜಿಲ್ಲೆಯ ಶಾಂತಿಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ವಾರ್ಡ್ ಸಂಖ್ಯೆ 11ರ ಬರ್ಪಾರಾ ಪ್ರದೇಶದಲ್ಲಿ ನಡೆದಿದೆ.
ಸಂತ್ರಸ್ತೆ ಮಧು ಖತುನ್ ಬರ್ಪಾರಾ ಪ್ರದೇಶದ ಬಾಪನ್ ಅವರನ್ನು ಮದುವೆಯಾಗಿ ಒಂಬತ್ತು ವರ್ಷಗಳಾಗಿವೆ. ಬಾಪನ್ ಆಗಾಗ್ಗೆ ಹೆಂಡತಿಯ ಮುಖವನ್ನು ವಿಶೇಷವಾಗಿ ಅವಳ ಮೂಗನ್ನು ಹೊಗಳುತ್ತಿದ್ದನು. ಶುಕ್ರವಾರ ಮಧು ಮಲಗಿದ್ದಾಗ ಬಾಪನ್ ಇದ್ದಕ್ಕಿದ್ದಂತೆ ಮೂಗನ್ನು ಕಚ್ಚಿ ತಿಂದಿದ್ದಾನೆ.
ಈ ಬಗ್ಗೆ ಸಂತ್ರಸ್ತೆಯ ತಾಯಿ ರೋಶ್ಚಾ ಬೇಗಂ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಾದ ನಂತರ ಪೊಲೀಸರು ಬಾಪನ್ ಶೇಖ್ ನನ್ನ ಬಂಧಿಸಿದ್ದಾರೆ.
