ಬಿಸಿರೋಡಿನ ಟ್ರಾಫಿಕ್ ಪಾಯಿಂಟ್‌ನಲ್ಲಿ ಕರ್ತವ್ಯ ನಿರತರಾಗಿದ್ದ ಸಿಬ್ಬಂದಿಗೆ ಒಂದೇ ದಿನ ಬೆಲೆಬಾಳುವ ಮೊಬೈಲ್ ಹಾಗೂ ಪರ್ಸ್ ಬಿದ್ದು ಸಿಕ್ಕಿದ್ದು, ಎರಡು ವಸ್ತುಗಳನ್ನು ವಾರಸುದಾರರಿಗೆ ವಾಪಸು ನೀಡಿದ ಘಟನೆ ನಡೆದಿದೆ.
ಬಿಸಿರೋಡಿನ ಬಸ್ ನಿಲ್ದಾಣದಲ್ಲಿ ಕರ್ತವ್ಯ ಮಾಡುತ್ತಿದ್ದ ಬಿಸಿರೋಡು ಟ್ರಾಫಿಕ್ ಪೋಲೀಸ್ ಠಾಣೆಯ ಸಿಬ್ಬಂದಿ ಎ ಎಸ್ ಸಂಗೊಳ್ಳಿ ಅವರಿಗೆ ವಿವೋ ಕಂಪೆನಿಯ ಮೊಬೈಲ್ ಹಾಗೂ ದಾಖಲೆಗಳಿದ್ದ ಪರ್ಸ್ ಬಿದ್ದು ಸಿಕ್ಕಿತ್ತು. ಎರಡು ವಸ್ತುಗಳ ದಾಖಲೆಗಳನ್ನು ಪರಿಶೀಲಿಸಿ ಮಾಲಕರನ್ನು ಸಂಪರ್ಕ ಮಾಡಿದ ಸಂಗೊಳ್ಳಿ ಅವರು ಎರಡು ವಸ್ತುಗಳನ್ನು ಸೇಫ್ ಆಗಿ ಹಿಂತಿರುಗಿಸುವ ಕಾರ್ಯ ಮಾಡಿದ್ದಾರೆ.
ಕರ್ತವ್ಯದ ಒತ್ತಡದ ನಡುವೆ ಬಿದ್ದು ಸಿಕ್ಕಿದ ವಸ್ತುಗಳನ್ನು ಪ್ರಾಮಾಣಿಕವಾಗಿ ಮರಳಿಸಿದ ಪೋಲೀಸ್ ಸಿಬ್ಬಂದಿಗೆ ಮಾಲಕರು ಧನ್ಯವಾದ ಹೇಳಿದ್ದಾರೆ.
