ಮಂಗಳೂರು: ಹೆಸರಾಂತ ಹೋಟೆಲ್‌ನ ಈಜುಕೊಳದಲ್ಲಿ ಪತ್ತೆಯಾದ ಬ್ಯಾಂಕ್ ಅಧಿಕಾರಿ ಶವ

ಮಂಗಳೂರಿನ ಹೆಸರಾಂತ ಹೋಟೆಲ್‌ನ ಈಜುಕೊಳದ ವ್ಯಾಪ್ತಿಯಲ್ಲಿ ಬ್ಯಾಂಕ್ ಅಧಿಕಾರಿಯೊಬ್ಬರ ಶವ ಪತ್ತೆಯಾಗಿದೆ.

ಮೃತ ವ್ಯಕ್ತಿಯನ್ನು ಕೇರಳ ರಾಜ್ಯದ ತಿರುವನಂತಪುರಂ ಮೂಲದ ಶ್ರೀ ಗೋಪು ಆರ್ ನಾಯರ್ ಎಂದು ಅಧಿಕೃತವಾಗಿ ಗುರುತಿಸಲಾಗಿದೆ.

ಅವರ ಮೃತ ದೇಹವು ಹೋಟೆಲ್‌ನ ಈಜುಕೊಳದಲ್ಲಿ ಪತ್ತೆಯಾಗಿದೆ. ಗೋಪು ಆರ್. ನಾಯರ್ ನಿನ್ನೆ ಮಂಗಳೂರಿಗೆ ಬಂದು ಮೋತಿ ಮಹಲ್ ಹೋಟೆಲ್ ನಲ್ಲಿ ತಂಗಿದ್ದರು. ನಿನ್ನೆ ಸಂಜೆ 4 ಗಂಟೆಗೆ ಬ್ಯಾಂಕ್ ಅಧಿಕಾರಿ ಹೋಟೆಲ್ ಕೊಠಡಿಯಿಂದ ಹೊರಟಿದ್ದಾರೆ.

ಇಂದು ಮುಳುಗು ತಜ್ಞರು ಮೃತದೇಹವನ್ನು ಈಜುಕೊಳದಿಂದ ಹೊರತೆಗೆದಿದ್ದಾರೆ. ಗೋಪು ಆರ್. ನಾಯರ್ ಅವರ ಮೃತ ದೇಹ 11 ಅಡಿ ಆಳದಲ್ಲಿತ್ತು. ಈಜುವಾಗ ಮೇಲಕ್ಕೆ ಬರದ ಕಾರಣ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವ ಶಂಕೆ ವ್ಯಕ್ತವಾಗಿದೆ.

ಹೋಟೆಲ್ ಕೊಠಡಿಯಲ್ಲಿ ಮದ್ಯ ಸೇವಿಸಿ ಈಜಲು ಹೋಗಿರುವ ಶಂಕೆ ವ್ಯಕ್ತವಾಗಿದೆ. ಅವರ ಕೋಣೆಯಲ್ಲಿ ಖಾಲಿ ಮದ್ಯದ ಬಾಟಲಿ ಮತ್ತು ಆಹಾರವಿದೆ. ಪಾಂಡೇಶ್ವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.