ಪಟ್ಲ ಯಕ್ಷಾಶ್ರಯದ 39ನೇ ಮನೆ ಹಿರಿಯ ಕಲಾವಿದ ಅಜ್ರಿ ಗೋಪಾಲ್ ಗಾಣಿಗರಿಗೆ ಹಸ್ತಾಂತರ

ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ನ ಬೃಹತ್ ಯೋಜನೆ ಪಟ್ಲ ಯಕ್ಷಾಶ್ರಯದ 39ನೇ ಮನೆಯನ್ನು ಮಂದಾರ್ತಿ ಮೇಳದ ಹಿರಿಯ ಕಲಾವಿದ ಅಜ್ರಿ ಗೋಪಾಲ್ ಗಾಣಿಗ ಅವರಿಗೆ ಹಸ್ತಾಂತರಿಸಲಾಯಿತು.

ನೂತನವಾಗಿ ನಿರ್ಮಾಣಗೊಂಡ ಮನೆಯನ್ನು ಶ್ರೀಮತಿ ಆಶಾ ಆನಂದ್ ಶೆಟ್ಟಿ ಬಿಚ್ಚನೊಟ್ಟು ಅವರು ಕೊಡುಗೆಯಾಗಿ ಕಲಾವಿದನ ಕುಟುಂಬಕ್ಕೆ ನೀಡಿದ್ದಾರೆ. ಈ ಸಂದರ್ಭದಲ್ಲಿ ಅನೇಕ ಗಣ್ಯರು ಉಪಸ್ಥಿತರಿದ್ರು. ಅಜೀರ್ಣವಸ್ಥೆಯಲ್ಲಿ ಮನೆಯಿದ್ದು, ಕೇವಲ ರಿಪೇರಿ ಮಾಡಿ ಸುಮ್ಮನಿರುವ ಅನ್ನುವ ಭಾವನೆ ನಮ್ಮಲ್ಲಿತ್ತು. ಆದ್ರೆ ಇದೀಗ ಟ್ರಸ್ಟ್ ಕೊಡುಗೆಯಾಗಿ ಮನೆಯನ್ನು ನೀಡಿದೆ. ಯಾವುದೇ ಕಲಾವಿದರ ಕೈಯನ್ನ ಪಟ್ಲ ಟ್ರಸ್ಟ್ ಬಿಡುವುದಿಲ್ಲ ಅನ್ನುವುದಕ್ಕೆ ಇದೇ ನಿದರ್ಶನ ಎಂದು ಹಿರಿಯ ಕಲಾವಿದರು ಪಟ್ಲ ಸತೀಶ್ ಶೆಟ್ಟಿಯವರಿಗೆ ಶುಭಹಾರೈಸಿದ್ದಾರೆ.