ಹಾಸನ ನಗರದ ಚಿಕ್ಕಾನಾಳು ನೀರಿನ ಟ್ಯಾಂಕ್ ಕಾಂಪೌಂಡ್ ಒಳಗಡೆ ಹಾಡಹಗಲೇ ಡ್ರಗ್ಸ್ ಸೀರೇಂಜ್ನಲ್ಲಿ ತೆಗೆದು ಕೊಳ್ಳುತ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ.
ನಗರದ ಚಿಕ್ಕನಾಳು ಡ್ರಗ್ಸ್, ಗಾಂಜಾ ತೆಗೆದುಕೊಳ್ಳುವವರಿಗೆ ಬಲು ಇಷ್ಟದ ತಾಣವಾಗಿ ಬಿಟ್ಟಿದೆ. ಚಿಕ್ಕನಾಳುವಿನ ನೀರಿನ ಟ್ಯಾಂಕ್, ಬಸವಣ್ಣ ಮಂದಿರದ ಮುಂಭಾಗದಲ್ಲಿರುವ ಖಾಲಿ ಜಾಗದಲ್ಲಿ ಪಾರ್ಕಿಂಗ್ ಗೂಡ್ಸ್ ಆಟೋಗಳು, ವಾಹನಗಳು ಪಾರ್ಕಿಂಗ್ ಮಾಡಿರುತ್ತವೆ. ಸ್ವಲ್ಪ ಮುಂದೆ ಹೋದರೆ ಚಿಕ್ಕ ಗಲ್ಲಿಯ ಒಳಗಡೆ ಎತ್ತಿನ ಗಾಡಿ, ಸಿರಾಜ್ ಅವರ ಪಾಳು ಬಿದ್ದಿರುವ ಮನೆ, ಪುಷ್ಪಗಿರಿ ಗ್ಯಾಸ್ ಗೊಡನ್ ಹತ್ತಿರ ಇರುವ ಗಿಡಗಳ ಪೊದೆಯ ಜಾಗ ಇದೆಲ್ಲಾ ಗಾಂಜಾ ಡ್ರಗ್ಸ್ ಸೊಲುಶನ್ ಮಾದಕ ವ್ಯಸನಿಗಳ ತಾಣಗಳಾಗಿವೆ. ಹಾಡ ಹಗಲೇ ಯಾರ ಭಯ ಇಲ್ಲದೆ ಈ ಜಾಗದಲ್ಲಿ ಮಾದಕ ದ್ರವ್ಯ ಗಾಂಜಾ ಸೇವನೆ ಮಾಡುತ್ತಾರೆ. ಇದರಿಂದ ಸಾರ್ವಜನಿಕರಿಗೆ ತೊಂದರೆಯಾಗುತ್ತಿದ್ದು, ದಯವಿಟ್ಟು ಈ ಜಾಗದಲ್ಲಿ ಪೊಲೀಸರ ಗಸ್ತು ಹೆಚ್ಚಿಸುವಂತೆ ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.
