ಯುಎಇ ಮೂಲದ ಟೋರ್ಟಿಲ್ಲಾ ಮತ್ತು ಫ್ಲಾಟ್ಬ್ರೆಡ್ ತಯಾರಕರಾದ ಫ್ಲೋರ್ ಮಾಸ್ಟರ್ಸ್, ಆಂಧ್ರಪ್ರದೇಶದಲ್ಲಿ ವಿಶ್ವ ದರ್ಜೆಯ ಸಂಯೋಜಿತ ಫ್ಲಾಟ್ಬ್ರೆಡ್ ಉತ್ಪಾದನಾ ಪರಿಸರ ವ್ಯವಸ್ಥೆಯನ್ನು ಸ್ಥಾಪಿಸಲು ಉದ್ದೇಶಿಸಿದ್ದು, ₹100 ಕೋಟಿ ಹೂಡಿಕೆಯೊಂದಿಗೆ ತನ್ನ ಮೊದಲ ಅಂತರರಾಷ್ಟ್ರೀಯ ಉತ್ಪಾದನಾ ವಿಸ್ತರಣೆಯನ್ನು ಘೋಷಿಸಿದೆ.
ಆಂಧ್ರಪ್ರದೇಶ ಮುಖ್ಯಮಂತ್ರಿ ಶ್ರೀ ಎನ್. ಚಂದ್ರಬಾಬು ನಾಯ್ಡು ಮತ್ತು ಯುಎಇ ಆರ್ಥಿಕ ಹಾಗು ಪ್ರವಾಸೋದ್ಯಮ ಸಚಿವರಾದ ಶ್ರೀ ಅಬ್ದುಲ್ಲಾ ಬಿನ್ ತೌಕ್ ಅಲ್ ಮರ್ರಿ ಅವರ ನೇತೃತ್ವದಲ್ಲಿ ವಿಜಯವಾಡದಲ್ಲಿ ನಡೆದ “ಆಂಧ್ರಪ್ರದೇಶ–ಯುಎಇ ಆಹಾರ ಸಮೂಹ: ಆಹಾರ ಮೌಲ್ಯ ಸರಪಳಿಯಾದ್ಯಂತ ಕಾರ್ಯತಂತ್ರದ ಪಾಲುದಾರಿಕೆಗಳನ್ನು ನಿರ್ಮಿಸುವುದು” ಎಂಬ ಕಾರ್ಯಕ್ರಮದ ಸಂದರ್ಭದಲ್ಲಿ ಈ ಘೋಷಣೆ ಮಾಡಲಾಯಿತು. ಯುಎಇ ಆರ್ಥಿಕ ಮತ್ತು ಪ್ರವಾಸೋದ್ಯಮ ಸಚಿವಾಲಯದ ಉಪಕ್ರಮವಾದ ಯುಎಇ ಆಹಾರ ಸಮೂಹವು ಆಂಧ್ರಪ್ರದೇಶ ಸರ್ಕಾರದ ಸಹಯೋಗದೊಂದಿಗೆ ಈ ಕಾರ್ಯಕ್ರಮವನ್ನು ಆಯೋಜಿಸಿತ್ತು.
ಈ ಕಾರ್ಯಕ್ರಮವು ಆಂಧ್ರಪ್ರದೇಶ ಸರ್ಕಾರದ ಕೈಗಾರಿಕಾ ಸಚಿವ ಶ್ರೀ ಟಿ.ಜಿ. ಭರತ್; ಆಂಧ್ರಪ್ರದೇಶ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಶ್ರೀ ಜಿ. ಸಾಯಿ ಪ್ರಸಾದ್; ಯುಎಇ ಆಹಾರ ಕ್ಲಸ್ಟರ್ನ ಅಧ್ಯಕ್ಷರು ಮತ್ತು ಯುಎಇ ಆಹಾರ ಮತ್ತು ಪಾನೀಯಗಳ ವ್ಯವಹಾರ ಗುಂಪಿನ ಅಧ್ಯಕ್ಷರಾದ ಶ್ರೀ ಸಲೇಹ್ ಅಬ್ದುಲ್ಲಾ ಲೂತಾ; ಆರ್ಥಿಕ ನೀತಿಗಳು ಮತ್ತು ಅಧ್ಯಯನಗಳ ಸಹಾಯಕ ಅಂಡರ್ಕಾರ್ಯದರ್ಶಿ ಡಾ. ಮಾರಿಯಾ ಹನೀಫ್ ಅಲ್ ಖಾಸಿಮ್ ಸೇರಿದಂತೆ ಎರಡೂ ದೇಶಗಳ ಹಿರಿಯ ಸರ್ಕಾರಿ ನಾಯಕರು ಮತ್ತು ಉದ್ಯಮ ಪಾಲುದಾರರನ್ನು ಒಟ್ಟುಗೂಡಿಸಿತು.
ಫ್ಲೋರ್ ಮಾಸ್ಟರ್ಸ್ ನ್ನು ಪ್ರತಿನಿಧಿಸಿದ್ದ, ಸ್ಥಾಪಕ, ಅಧ್ಯಕ್ಷ ಮತ್ತು ಗ್ರೂಪ್ ಸಿಇಒ ಹ್ಯಾನಿ ಎಂ. ಹನೀಫ್ ಅವರು ಭಾರತದಲ್ಲಿ ಅತ್ಯಂತ ಮುಂದುವರಿದ ಸಂಯೋಜಿತ ಫ್ಲಾಟ್ಬ್ರೆಡ್ ಉತ್ಪಾದನಾ ಕ್ಯಾಂಪಸ್ಗಳಲ್ಲಿ ಒಂದನ್ನು ಸ್ಥಾಪಿಸುವ ಯೋಜನೆಯನ್ನು ಮಂಡಿಸಿದರು. ಪ್ರಸ್ತಾವಿತ ಸೌಲಭ್ಯವು ಹಿಟ್ಟು ಗಿರಣಿ, ಸಂಶೋಧನೆ ಮತ್ತು ಅಭಿವೃದ್ಧಿ, ಉತ್ಪನ್ನ ನಾವೀನ್ಯತೆ, ದೊಡ್ಡ ಪ್ರಮಾಣದ ಫ್ಲಾಟ್ಬ್ರೆಡ್ ಉತ್ಪಾದನೆ, ತಿನ್ನಲು ಸಿದ್ಧವಾದ ಆಹಾರ ಉತ್ಪಾದನೆ ಮತ್ತು ರಫ್ತು ಕಾರ್ಯಾಚರಣೆಗಳನ್ನು ವಿಶ್ವ ದರ್ಜೆಯ ಏಕ ಪರಿಸರ ವ್ಯವಸ್ಥೆಯೊಳಗೆ ಸಂಯೋಜಿಸುತ್ತದೆ.
ಈ ಸಂದರ್ಭದಲ್ಲಿ ಮಾತನಾಡಿದ ಹ್ಯಾನಿ, “ರೈತರು, ಉದ್ಯೋಗಿಗಳು, ಗ್ರಾಹಕರು, ವ್ಯಾಪಾರ ಪಾಲುದಾರರು ಮತ್ತು ವಿಶಾಲ ಆರ್ಥಿಕತೆಗೆ ದೀರ್ಘಾವಧಿಯ ಮೌಲ್ಯವನ್ನು ಉತ್ಪಾದಿಸುವ ವಿಶ್ವ ದರ್ಜೆಯ ಸಂಯೋಜಿತ ಫ್ಲಾಟ್ಬ್ರೆಡ್ ಉತ್ಪಾದನಾ ಪರಿಸರ ವ್ಯವಸ್ಥೆಯನ್ನು ರಚಿಸುವುದು ನಮ್ಮ ದೃಷ್ಟಿಯಾಗಿದೆ, ಮತ್ತು ಇದು ಭಾರತವನ್ನು ಫ್ಲಾಟ್ಬ್ರೆಡ್ ನಾವೀನ್ಯತೆ ಮತ್ತು ಉತ್ಪಾದನಾ ಶ್ರೇಷ್ಠತೆಗೆ ಜಾಗತಿಕ ಕೇಂದ್ರವಾಗಿಸುತ್ತದೆ ಎಂದರು.
ತನ್ನ ಅಂತರರಾಷ್ಟ್ರೀಯ ವಿಸ್ತರಣಾ ವಿಭಾಗವಾದ ಫ್ಲೋರ್ ಮಾಸ್ಟರ್ಸ್ ಇಂಟರ್ನ್ಯಾಷನಲ್ ಮೂಲಕ, ಕಂಪನಿಯು ತನ್ನ ಮೊದಲ ವಿದೇಶಿ ಉತ್ಪಾದನಾ ಉಪಕ್ರಮಕ್ಕಾಗಿ ಭಾರತದಲ್ಲಿ ಆಂಧ್ರಪ್ರದೇಶವನ್ನು ಆಯ್ಕೆ ಮಾಡಿದೆ. ಪ್ರಸ್ತಾವಿತ 15 ಎಕರೆ ಗ್ರೀನ್ಫೀಲ್ಡ್ ಕ್ಯಾಂಪಸ್ ದೇಶೀಯ ಮತ್ತು ರಫ್ತು ಮಾರುಕಟ್ಟೆಗಳಿಗೆ ಮೆಕ್ಸಿಕನ್ ಬ್ರೆಡ್ ಅಂದರೆ ಟೋರ್ಟಿಲ್ಲಾಗಳು, ಪ್ರಾದೇಶಿಕ ಮತ್ತು ಅಂತರರಾಷ್ಟ್ರೀಯ ಫ್ಲಾಟ್ಬ್ರೆಡ್ಗಳು ಮತ್ತು ಮೌಲ್ಯವರ್ಧಿತ ಆಹಾರ ಉತ್ಪನ್ನಗಳನ್ನು ತಯಾರಿಸುತ್ತದೆ. ಅತ್ಯಾಧುನಿಕವಾದ ಈ ಸೌಲಭ್ಯವು ದಿನಕ್ಕೆ ಒಂದು ಮಿಲಿಯನ್ ಫ್ಲಾಟ್ಬ್ರೆಡ್ಗಳ ಆರಂಭಿಕ ಉತ್ಪಾದನಾ ಸಾಮರ್ಥ್ಯವನ್ನು ಹೊಂದಿರುತ್ತದೆ, ಭವಿಷ್ಯದ ಹಂತಗಳಲ್ಲಿ ದಿನಕ್ಕೆ 20 ಮಿಲಿಯನ್ ವರೆಗೆ ಸಾಮರ್ಥ್ಯವರ್ಧನೆಗೆ ಮೂಲಸೌಕರ್ಯವನ್ನು ವಿನ್ಯಾಸಗೊಳಿಸಲಾಗಿದೆ. ಈ ಯೋಜನೆಯು 500 ಕ್ಕೂ ಹೆಚ್ಚು ನುರಿತ ಮತ್ತು ಅರೆ-ನುರಿತ ಕೆಲಸಗಾರರಿಗೆ ಉದ್ಯೋಗವನ್ನು ಸೃಷ್ಟಿಸುವ ನಿರೀಕ್ಷೆಯಿದೆ. ಉತ್ಪಾದನೆಯ ಹೊರತಾಗಿ, ಈ ಯೋಜನೆಯನ್ನು ಸ್ಥಳೀಯ ಕೃಷಿ ಮೂಲ, ಪೂರೈಕೆದಾರರ ಅಭಿವೃದ್ಧಿ, ಮುಂದುವರಿದ ಆಧುನಿಕ ಆಹಾರ ಸಂಸ್ಕರಣೆ, ಲಾಜಿಸ್ಟಿಕ್ಸ್ ಮತ್ತು ರಫ್ತುಗಳನ್ನು ಸಂಯೋಜಿಸುವ ಸಂಪೂರ್ಣ ಆಹಾರ ಪರಿಸರ ವ್ಯವಸ್ಥೆಯಾಗಿ ಕಲ್ಪಿಸಲಾಗಿದೆ. ಇದು ಸುಸ್ಥಿರ ಕೈಗಾರಿಕಾ ಬೆಳವಣಿಗೆಯನ್ನು ಬೆಂಬಲಿಸುವಾಗ ಕೃಷಿಯಿಂದ ಆಹಾರಕ್ಕೆ ತಡೆರಹಿತ ಮೌಲ್ಯ ಸರಪಳಿಯನ್ನು ಸೃಷ್ಟಿಸುತ್ತದೆ.
ಉತ್ಪಾದನೆಯ ಸರಿಸುಮಾರು 40% ರಷ್ಟನ್ನು ಏಷ್ಯಾ, ದೂರದ ಪೂರ್ವ, ಆಫ್ರಿಕಾ ಮತ್ತು ಇತರ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಿಗೆ ರಫ್ತು ಮಾಡಲಾಗುತ್ತದೆ. ಈ ಹೆಗ್ಗುರುತು ಹೂಡಿಕೆಯು ಫ್ಲೋರ್ ಮಾಸ್ಟರ್ಸ್ ನಾವೀನ್ಯತೆ, ಉದ್ಯೋಗ ಸೃಷ್ಟಿ, ಆಹಾರ ಭದ್ರತೆ, ಸುಸ್ಥಿರ ಉತ್ಪಾದನೆ ಮತ್ತು ಪ್ರೀಮಿಯಂ ಫ್ಲಾಟ್ಬ್ರೆಡ್ಗಳು ಮತ್ತು ಮೌಲ್ಯವರ್ಧಿತ ಆಹಾರ ಉತ್ಪನ್ನಗಳಿಗೆ ಜಾಗತಿಕ ಕೇಂದ್ರವಾಗಿ ಭಾರತದ ಸ್ಥಾನವನ್ನು ಬಲಪಡಿಸುವ ದೀರ್ಘಾವಧಿಯ ಬದ್ಧತೆಯನ್ನು ಪ್ರತಿಬಿಂಬಿಸುತ್ತವೆ. 2045 ರ ವೇಳೆಗೆ ಜಾಗತಿಕವಾಗಿ 100+ ಫ್ಲಾಟ್ಬ್ರೆಡ್ ಉತ್ಪಾದನಾ ಸೌಲಭ್ಯಗಳನ್ನು ಸ್ಥಾಪಿಸಲು ಕಂಪನಿಯು ಯೋಜಿಸಿದೆ, ಅರ್ಹ ಹೂಡಿಕೆದಾರರು ಮತ್ತು ಕಾರ್ಯತಂತ್ರದ ಪಾಲುದಾರರು ಪ್ರಾದೇಶಿಕ ಉತ್ಪಾದನಾ ಯೋಜನೆಗಳಲ್ಲಿ ಭಾಗವಹಿಸಲು ಅನುವು ಮಾಡಿಕೊಡುವ ರಚನಾತ್ಮಕ ಇಕ್ವಿಟಿ ಭಾಗವಹಿಸುವಿಕೆ ಮಾದರಿಯಿಂದ ಇದು ಬೆಂಬಲಿತವಾಗಿದೆ. ಎರಡು ದಶಕಗಳಿಗೂ ಹೆಚ್ಚಿನ ಉದ್ಯಮ ಪರಿಣತಿಯನ್ನು ಹೊಂದಿರುವ ಹ್ಯಾನಿ ಎಂ. ಹನೀಫ್ ಸ್ಥಾಪಿಸಿದ ಫ್ಲೋರ್ ಮಾಸ್ಟರ್ಸ್ ಯುಎಇ ಮೂಲದ ಟೋರ್ಟಿಲ್ಲಾ ಮತ್ತು ಫ್ಲಾಟ್ಬ್ರೆಡ್ಗಳ ತಯಾರಕ ಕಂಪನಿಯಾಗಿದ್ದು, ತನ್ನ ಉತ್ಪನ್ನಗಳನ್ನು 25 ಕ್ಕೂ ಹೆಚ್ಚು ದೇಶಗಳಿಗೆ ರಫ್ತು ಮಾಡಿದೆ.
