ಮುಂಬರುವ ಹಬ್ಬ-ಹರಿದಿನಗಳ ಹಿನ್ನೆಲೆಯಲ್ಲಿ ಶಾಂತಿ, ಸೌಹಾರ್ದತೆ ಹಾಗೂ ಕಾನೂನು ಸುವ್ಯವಸ್ಥೆ ಕಾಪಾಡುವ ನಿಟ್ಟಿನಲ್ಲಿ ಕಡಬ ಪೇಟೆಯಲ್ಲಿ ಪೊಲೀಸ್ ಇಲಾಖೆ ಹಾಗೂ ಆಂಟಿ ಕಮ್ಯೂನಲ್ ಫೋರ್ಸ್ ವತಿಯಿಂದ ಪಥಸಂಚಲನ ನಡೆಸಲಾಯಿತು.
ಕಡಬದ ಅನುಗ್ರಹ ಹಾಲ್ ಸಮೀಪದಿಂದ ಆರಂಭಗೊಂಡ ಪಥಸಂಚಲನವು ಮುಖ್ಯ ರಸ್ತೆಯ ಮೂಲಕ ಕಡಬ ಪೇಟೆಯಲ್ಲಿ ಸಾಗಿತು. ಪೊಲೀಸ್ ಹಾಗೂ ಸಶಸ್ತ್ರ ಪಡೆಗಳ ಸಿಬ್ಬಂದಿ ಶಿಸ್ತುಬದ್ಧವಾಗಿ ಪಥಸಂಚಲನ ನಡೆಸಿದರು.
ಮುಂಬರುವ ಹಬ್ಬಗಳ ಸಂದರ್ಭದಲ್ಲಿ ಯಾವುದೇ ಅಹಿತಕರ ಘಟನೆಗಳು, ಕೋಮು ಪ್ರಚೋದನೆ ಅಥವಾ ಕಾನೂನು ಉಲ್ಲಂಘನೆಗಳಿಗೆ ಅವಕಾಶ ನೀಡದಂತೆ ಮುನ್ನೆಚ್ಚರಿಕೆ ವಹಿಸುವ ಸಂದೇಶವನ್ನು ಪಥಸಂಚಲನದ ಮೂಲಕ ನೀಡಲಾಯಿತು.
ಪಥಸಂಚಲನವು ಸಾರ್ವಜನಿಕರಲ್ಲಿ ಸುರಕ್ಷತೆಯ ಭಾವನೆ ಮೂಡಿಸುವಂತಿತ್ತು.
