ಉಡುಪಿ: ಅಕ್ರಮವಾಗಿ ಡಾಂಬರು ಹಾಗೂ ಮರಳು ಸಾಗಿಸುತ್ತಿದ್ದ ನಾಲ್ಕು ಲಾರಿ ವಶ

ಲಾರಿ ಮಾಲೀಕರು ಹಾಗೂ ಚಾಲಕರ ಮುಷ್ಕರದ ನಡುವೆಯೂ ಉದ್ಯಾವರ ಬಳಿ ಅಕ್ರಮವಾಗಿ ಡಾಂಬರು ಮತ್ತು ಮರಳು ಸಾಗಾಟ ಮಾಡುತ್ತಿದ್ದ ನಾಲ್ಕು ಲಾರಿಗಳನ್ನು ಪೊಲೀಸರು ಜಪ್ತಿ ಮಾಡಿದ್ದಾರೆ.

ಮೂರು 16 ಚಕ್ರಗಳ ಲಾರಿ ಮತ್ತು ಒಂದು ಟಿಪ್ಪರ್ ಜಪ್ತಿ ಮಾಡಲಾಗಿದೆ.

ಟ್ರಿಪ್ ಶೀಟ್ ಮತ್ತು ಜಿಪಿಎಸ್ ಇಲ್ಲದೆ ಡಾಂಬರು ಮತ್ತು ಎಂ ಸ್ಯಾಂಡ್ ಸಾಗಿಸುತ್ತಿದ್ದರು. ಅಗತ್ಯ ದಾಖಲೆಗಳು ಮತ್ತು ಜಿಪಿಎಸ್ ಇಲ್ಲದೆ 20 ಟನ್ ಎಂ ಸ್ಯಾಂಡ್ ಮತ್ತು 65 ಟನ್ ಡಾಂಬರು ಸಾಗಿಸುತ್ತಿದ್ದರು.

ಟ್ರಕ್‌ಗಳು ಉಡುಪಿಯಿಂದ ಹೊರ ಜಿಲ್ಲೆಗಳಿಗೆ ಕಟ್ಟಡ ಸಾಮಗ್ರಿಗಳನ್ನು ಸಾಗಿಸುತ್ತಿದ್ದವು. ಟಿಪ್ಪರ್ ಚಾಲಕ ಕೂಡ ಅಡ್ಡಾದಿಡ್ಡಿಯಾಗಿ ವಾಹನ ಚಲಾಯಿಸಿ ಸ್ಕೂಟರ್ ಸವಾರನಿಗೆ ಡಿಕ್ಕಿ ಹೊಡೆದಿದ್ದಾನೆ. ಅದೃಷ್ಟವಶಾತ್ ಸ್ಕೂಟರ್ ಸವಾರ ಯಾವುದೇ ಗಾಯಗಳಿಲ್ಲದೆ ಪಾರಾಗಿದ್ದಾರೆ.

ನಗರ ಠಾಣೆ ಎಸ್‌ಐ ಮಂಜಪ್ಪ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆದಿದೆ.