ಮಂಗಳೂರು ಹೊರವಲಯದ ಪಡೀಲ್-ಕಣ್ಣೂರು ಬಳಿಯ ಮಸೀದಿಯ ಹಿಂಭಾಗದಲ್ಲಿ 7 ದನಗಳು ಪತ್ತೆಯಾಗಿದ್ದು, ಕಂಕನಾಡಿ ಪೊಲೀಸರು ಅವುಗಳನ್ನು ವಶಕ್ಕೆ ಪಡೆದಿದ್ದಾರೆ.
ಮಸೀದಿಯ ಹಿಂಭಾಗದಲ್ಲಿ ದನಗಳು ಇರುವ ಬಗ್ಗೆ ಮಾಹಿತಿ ಲಭ್ಯವಾದ ಹಿನ್ನೆಲೆಯಲ್ಲಿ ಕಂಕನಾಡಿ ಪೊಲೀಸರು ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದ್ದಾರೆ. ಈ ವೇಳೆ 7 ದನಗಳು ಪತ್ತೆಯಾಗಿವೆ.
ದನಗಳನ್ನು ಪೊಲೀಸರು ವಶಕ್ಕೆ ಪಡೆದು ಮಂಗಳೂರು ಹೊರವಲಯದ ಪಜೀರು ಗೋ ಆಶ್ರಮಕ್ಕೆ ಹಸ್ತಾಂತರಿಸಿದ್ದಾರೆ.
ಈ ಕುರಿತು ಕಂಕನಾಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
